Թուրքիայի հարավ-արևելքում 17-ամյա տղան 3 ոստիկանի է սպանել

11:00 • 11.07.16

Թուրքիայի հարավ-արևելքում գտնվող Շանլըուրֆա քաղաքի ավտոբուսի կանգառում 17-ամյա տղան սպանել է ոստիկանության երեք աշխատակցի, վիրավորել ևս երեք հոգու: Այդ մասին հայտնում է Anadolu գոծակալությունը:

 

Տեղի իշխանությունները հայտնել են, որ դեպքն ահաբեկչության հետ կապ չունի:

 

Քաղաքապետ Գունգոր Ազիմ Թունան լրագրողներին հայտնել է, որ կրակողը 17-ամյա տղա է եղել՝ հոգեբանական խնդիրներով: Միջադեպի ժամանակ նա իր ընտանիքի հետ է եղել և իր մոտ է ունեցել իր հորը պատկանող զենքը:

 

Երիտասարդը կրակ է բացել երեք ոստիկանների վրա, երբ նրանք կանգառում գտնվող մարդկանցից ինքնությունը հաստատող թղթեր են պահանջել: Նա այնուհետև փախուստի է դիմել և կրակ է բացել ոստիկանների մեկ այլ խմբի վրա:  

 

Ինչպես հայտնում է Daily Sabah-ը, տղան ինքնասպանություն է գործել՝ հասկանալով, որ նա շրջապատված է ոստիկանների կողմից: