Facebook-ի  Aquila անօդաչուն իրականացրել է առաջին թռիչքը

Facebook ընկերությունն ԱՄՆ-ի Արիզոնա նահանգի հարավում բարեհաջող իրականացրել է իր անօդաչու թռչող սարքի` Aquila-ի փորձարկումը, ինչի մասին ընկերության գլխավոր գործադիր տնօրեն Մարկ Ցուկերբերգը հայտնել է իր ֆեյսբուքյան էջում:

Ինչպես նշում է gazeta.ru-ն,  նախքան այս ամիսներ շարունակ փորձարկվել է անօդաչուի կրկնօրինակը, և միայն հունիսի վերջին կայացել է օրիգինալ մոդելի առաջին փորձնական թռչիքը:

Աղբյուրը մանրամասնում է, որ  անօդաչուն իրենից ներկայացնում է  ինքնաթիռի մեծությամբ թռչող սարք, որը գործում է արևային մարտկոցների միջոցով: Այն երկնքում անցկացրել է  մոտ կես ժամ. վերելքն ու վայրէջքն իրականցվել են  ավտոմատ ռեժիմով:

Նշվում է, որ տվյալ նախագծի նպատակն է նմանատիպ սարքերի միջոցով մոլորակի հեռավոր անկյուններում  ապահովել մատչումը դեպի համացանց: