Բժիշկ Սալվադոր Խեչոյանը հաստատել է, որ իրենք գնդի տարածքում որպես պատանդ են պահվում (տեսանյութ)
ՊՊԾ գնդում գտնվող բժիշկ Սալվադոր Խեչոյանը «Ժամը» լրատվականի լրագրողի հետ զրույցում հաստատել է, որ իրենք գնդի տարածքում որպես պատանդ են պահվում:
Նա ասել է, որ վիրավորներից մեկը հոսպիտալացման կարիք ունի և նշել, որ իրենց մոտ եղած դեղորայքով չեն կարող լիարժեք բուժել տարածքում պահվող վիրավորներին:
Հարցին, թե հնարավոր է գնդի տարածքում վիրավորների բուժումը, Սալվադոր Խեչոյանը պատասխանել է, որ ոչ:
Հարցին, թե զինված խմբին բացատրել են, որ պատանդ վերցնելն արգելված է միջազգային բոլոր կոնվեցիաներով, պատասխանել է՝ այո:
Հիշեցնենք, որ մամուլում այսօր տեղեկություն էր տարածվել, թե Սալվադոր Խեչոյանն ասել, որ իրենց պատանդի կարգավիճակում չեն։ Հիշեցնենք նաև, որ Ոստիկանությունն այսօր հայտարարություն էր տարածել, որում ԶԼՄ-ներին կոչ էր արել պատասխանատու գործել՝ տեղյակ լինելով, թե անազատության մեջ պահողներն ինչ մեթոդներով են ներգործում պատանդի վրա։










