LG-ն 1.7 մլրդ դոլար կներդնի սմարթֆոնի ճկվող OLED էկրան ստեղծելու համար

Հարավկորեական LG տեխնոլոգիական ընկերությունը մտադիր է 1.7 մլրդ դոլար ծախսել սմարթֆոնների համար նախատեսված ճկվող  OLED էկրան ստեղծելու ու դրա արտադրական գիծը մշակելու համար:

Ինչպես նշում է The Verge-ը, ոլորտի փորձագետների կանխատեսմամբ, մոտակա տարիներին սմարթֆոնների ճկվող էկրանը լինելու է անչափ պահանջված ու գերակա դիրք է զբաղեցնելու շուկայում:

Ուստի՝ վերոհիշյալ խոշոր ներդրումը հնարավորություն կտա  LG-ին դառնալ սմարթֆոնների ճկվող էկրանի արտադրության ոլորտի համաշխարհային առաջատար:

Լուրեր են շրջանառվում նաև նրա  վերաբերյալ, որ հարավկորեական արտադրողը կարող  է ճկվող էկրանների տեխնոլոգիան կիրառել ոչ միայն սեփական արտադրանքի, այլև Apple-ի ու ոլորտի մյուս ներկյացուցիչների համար:

Հայտնի է, որ Apple-ը մտադիր է 2018թ.  LCD էկրանններից անցում կատարել OLED տեխնոլոգիային: