Մոսկվայում բանկ գրաված Արամ Պետրոսյանը նման քայլի է դիմել վարկերը վճարել չկարողանալու պատճառով

09:11 • 26.08.16

Քննության վարկածով՝ Մոսկվայի կենտրոնում «Սիթիբանկ»-ի մասնաճյուղն օրերս գրաված Արամ Պետրոսյանը հանցագործության է դիմել բանկերին ունեցած պարտքերը վճարել չկարողանալու պատճառով: Այդ մասին հայտնել է Ռուսաստանի քննչական կոմիտեի մայրաքաղաքային բաժնի ղեկավարի ավագ օգնական Յուլիա Իվանովան, գրում է РИА Новости-ն:

 

«Գլխավոր վարչության քննիչները որպես առաջնահերթ շարժառիթ են դիտարկում ծանր ֆինանսական դրությունը և տարբեր բանկերի առաջ ունեցած վարկային պայմանագրերով ստանձնած պարտավորությունները կատարելու հնարավորության բացակայությունը»,- ասել է Իվանովան:

 

Ավելի վաղ դատարանը միջնորդություն է ստացել Արամ Պետրոսյանին կալանավորելու վերաբերյալ:

 

Հիշեցնենք, որ սնանկացած գործարարը գրավել էր Մոսկվայի «Սիթիբանկի» մասնաճյուղը՝ պատանդներ վերցնելով, սակայն որոշ ժամանակ անց բաց էր թողել պատանդներին և հանձնվել ոստիկաններին:

 

Կարող եք կարդալ նաև՝

Ոստիկանները խուզարկումներ են անցկացրել հայազգի գործարար Արամ Պետրոսյանի բնակության վայրում