Հելսինկիում գործարկել են առանց վարորդի առաջին ավտոբուսները (լուսանկարներ)

2 տարի առաջ Հելսինկիի իշխանությունները հաստատել են քաղաքը մասնավոր տրանսպորտային միջոցներից ազատելու համար 10 տարվա ծրագիրը: Առաջիկա ամիսների ընթացքում երկու ինքնակառավարվող և արևային էներգիայով լիցքավորվեղ Easymile EZ-10 ավտոբուսները կսկսեն ուղևորներ տեղափոխել նախօրոք մշակված երթուղիով:

Ֆինլանդիան այն սակավաթիվ երկրներից մեկն է, որի օրենքները չեն պահանջում, որ յուրաքանչյուր ավտոմեքենայի ղեկին վարորդ լինի, այդ պատճառով երկիրը հայտնի վայր է առանց վարորդի ավտոմեքենաների փորձարկման համար:

Ռիսկային գործոնը կրճատելու համար ավտոբուսների առավելագույն արագությունը 10կմ/ժ է սահմանված:

Փորձարկման ժամանակ սրահում վարորդ, այնուամենայնիվ, ներկա կլինի և ցանկացած պահի կկարողանա ինքնուրույն ղեկավարել մեքենան: