Եղանակն՝ այսօր
Գիտնականները կոչ են անում ոչնչացնել բոլոր մոծակներին
Միայն բոլոր տեսակի մոծակների ոչնչացումը կարող է կանգնեցնել մահացու վտանգավոր հիվանդությունների տարածումն: Ինչպես հաղորդում է բրիտանական Daily Star-ը՝ նման կարծիք է հայտնել Տեխասի համալսարանի պրոֆեսոր Դեյվիդ Էդելմանը:
Արյունախում կենդանիները ավելի շատ մարդու են սպանում, քան մոլորակի վրա առկա ցանկացած այլ կենդանի: Նրանք հանդիսանում են մալարիայի, դենգե, Զիկա տենդերի և այլ հիվանդությունների փոխանցողները: Գիտնականները ենթադրում են, որ ժամանակը եկել է մարդկությանը այդ խնդրից ազատելու համար:
Դրա համար, ինչպես կարծում են փորձագետները, հարկավոր է փոխել մոծակների ԴՆԹ-ն, ինչը թույլ կտա վերահսկել նրանց ձվադրման պրոցեսը, քանի որ արյուն խմում և հիվանդություններ են տարածում միայն էգ մոծակները:
Ցավոք, պարբերականը չի բարձրաձայնել այն տարբերակը, թե ինչպես է հնարավոր իրականացնել նման գաղափարը, այդ պատճառով գիտնականների առաջարկը դեռ լրջությամբ չի քննարկվում:
Studio One