Չինաստանը տիեզերք է ուղարկել խաղողի որթատունկեր

Չինացի գիտնականներն օրեր առաջ տիեզերք արձակված Tiangong-2 մոդուլի հետ Երկրի ուղեծիր են ուղարկել խաղողի 3 տեսակի որթատունկեր:

Ինչպես նշում է The Guardian-ը, չինացի գիտնականները լիահույս են, որ տիեզերքում գտնվելու ժամանակ որթատունկերը կենթարկվեն ճառագայթման ու որպես արդյունք կկարողանան աճել Երկրի վրա՝ անբարենպաստ պայմաններում:

Գիտնականների խոսքերով՝ տիեզերական ճառագայթումը կարող է գենետիկ փոփոխություններ առաջացնել որթատունկերում՝ օգնելով, որպեսզի դրանք առավել դիմացկուն դառնան ցրտի, շոգի ու տարատեսակ վարակների նկատմամբ:

Երկիր վերադառնալուց հետո նմուշները կթեստավորվեն ու կհամեմատվեն՝ պարզելու համար «ամենապետքական» մուտացիայի ենթարկված նմուշը:

Բրիտանական պարբերականը մանրամասնում է, որ Չինաստանը դարձել է գինու արտադրության ոլորտի առաջատարներից մեկը, սակայն դրա տարբեր հատվածներում տիրող եղանակային անբարենպաստ պայմանները խոչընդոտում են գինեգործության լիարժեք և արագընթաց զարգացմանը: