Ջրածնով գործող՝ աշխարհում առաջին ուղևորատար գնացքը կգործարկվի Գերմանիայում (լուսանկարներ)

Ֆրանսիական Alstom ընկերությունը ներկայացրել է աշխարհում առաջին ուղևորատար գնացքը, որը գործում է ջրածնային վառելիքով:

Ինչպես նշում է The Verge-ը, նոր գնացքներն առաջինը գործարկվելու են Գերմանիայում՝ իրենց անդրանիկ ուղևորությունն իրականացնելով 2017թ. վերջին:

Աղբյուրը մանրամասնում է, որ Coradia iLint կոչվող գնացքի վառելիքի բաքը գտնվում է փոխադրամիջոցի տանիքին: Մասնագետները լիահույս են, որ նորույթը կկարողանա Եվրոպայում փոխարինել դիզելային վառելիքով գործող գնացքներին: