Shazam-ն առաջին անգամ շահույթ է բերել իր մշակողին

Բրիտանական Shazam Entertainment ընկերությունն իր գոյության 17 տարիների ընթացքում գովազդի շնորհիվ առաջին անգամ գործառնական շահույթ է ունեցել, հաղորդում է RNS-ը:

Ընկերության ղեկավար Ռիչ Ռայլիի խոսքով` Shazam հավելվածը նպաստում է թվային ձևաչափով երաժշտության 10%-ի ձեռքբերմանը, սակայն հոսքային երաժշտական ծառայությունների (Apple Music, Spotify) ժողովրդականության աճի պատճառով երաժշտության վաճառքից ստացվող հասույթը նվազում է:

Նշվում է, որ գովազդից ստացված շահույթը փոխհատուցում է երաժշտության վաճառքի եկամտի նվազեցումը, ինչն ընկերությանը թույլ է տալիս գործառնական շահույթ ունենալ: