Apple-ը սկսել է նոր macOS Sierra օպերացիոն համակարգի ավտոմատ ներբեռնումը

 Ամերիկյան Apple  տեխնոլոգիական ընկերությունը սկսել է Mac համակարգիչներում ավտոմատ ներբեռնել նոր macOS Sierra օպերացիոն համակարգը, ինչի մասին հայտնում է The Verge-ը:

Mac-երի օգտատերերը, ովքեր կարգավորումների բաժնում միացրել են ավտոմատ ներբեռնման գործառույթն ու հիշողությունում բավականաչափ տեղ ունեն ներբեռնման համար, եկող շաբաթվա ընթացքում արդեն կկարողանան աշխատել նոր օպերացիոն համակարգով:

Աղբյուրը մանրամասնում է, որ նոր macOS Sierra-ն չցանկանալու դեպքում օգտատերը կարող է  ապաակատիվացնել ավտոմատ ներբեռնման  գործառույթը: