Պենտագոնի ղեկավարը ժամանել է Իրաք

13:44 • 22.10.16

ԱՄՆ Պենտագոնի ղեկավար Էշթոն Քարթերը ժամանել է Իրաք, որպեսզի տեղում գնահատական տա Մոսուլի ազատագրման գործողության ընթացքին, գրում է ռուսական РИА Новости գործակալությունը: 


Նախօրեին Քարթերը գտնվում էր Անկարայում, որտեղ հանդիպել է Թուրքիայի նախագահ Ռեջեփ Թայիփ Էրդողանի հետ: 


Նախատեսվում է, որ Իրաքում նա կհանդիպի վարչապետ Հայդեր ալ Աբադիի, ինչպես նաև երկրում գործող ամերիկյան զորքի հրամանատարության հետ:

 

Նշենք, որ օրեր առաջ Մոսուլի մոտակայքում ԱՄՆ զինծառայող է սպանվել:


Հոկտեմբերի 17-ին Իրաքի վարչապետ Հայդեր ալ-Աբադին հայտարարել էր Մոսուլի ազատագրման գործողություն սկսելու մասին: Գործողությանն աջակցում է ԱՄՆ-ի գլխավորած միջազգային կոալիցիան։


Իրաքի 2-րդ խոշորագույն քաղաքը համարվող Մոսուլն ԻՊ ահաբեկչական խմբավորման կողմից գրավվել է 2014թ.: Ըստ տարբեր տվյալների՝ այնտեղ կարող է գտնվել 3.000-4.500 գրոհային: