Բուրյաթիայի բնակիչները վստահեցնում են, որ ասուպի ընկնելու ականատես են դարձել (տեսանյութ)

Բուրյաթիայի և Իրկուտսկի շրջանի որոշ հատվածների բնակիչները վստահեցնում են, որ ասուպի ընկնելու ականատես են դարձել:

Ինչպես հայտնում է lenta.ru-ն, լուսարձակող կանաչ օբյեկտի մասին տեղեկությունները սոցցանցերում տարածվել են հոկտեմբերի 25-ի երեկոյան:

Ականատեսների պատմելով՝ երկնքում փայլատակել է վառ լույս, ինչից հետո ասուպի նման մի բան է ընկել:

Մինչդեռ այլ ԶԼՄ-ներ չեն բացառում, որ տեղացիները կարող են արձակված PC-18 միջմայրցամաքային բալիստիկ հրթիռը շփոթած լինեն ասուպի հետ: Միանգամայն հավանական է, որ հենց հրթիռն էլ ֆիքսվել է ստորև ներկայացված տեսագրության մեջ:

Նշվում է, որ օպերատիվ ծառայությունները դեռևս չեն մեկնաբանել տեղի ունեցածը: