Գերմանացիները ներկայացրել են 2017-ի ամենահուսալի ավտոմեքենաների աղյուսակը

Տեխնիկական վերահսկման գերմանական միությունը հրապարակել է մեքենաների հուսալիության TÜV-Report 2017 հերթական վարկանշային աղյուսակը:

Ինչպես ներկայացնում է Корреспондент-ը` վկայակոչելով գերմանական աղբյուրը, 2-3 տարեկան մեքենաների շարքում առաջատարը դարձել է լյուքս դասի Mercedes-Benz GLK գերմանական կոմպակտ քրոսովերը: Առաջին տեղը Mercedes-ի հետ փոքր-ինչ ցածր ցուցանիշով կիսել է մեկ այլ գերմանական ավտոմեքենա` Porsche 911-ը:

Հուսալի ավտոմեքենաների առաջատար հնգյակում մյուս տեղերը ևս գերմանական մոդելներ են զբաղեցրել` Mercedes-Benz B-Class և  Mercedes Benz A-Сlass կոմպակտ մեքենաներն ու Mercedes Benz SLK-Сlass ռոդսթերը:

Հաջորդ հնգյակում ընդգրկվել են ճապոնական Mazda 2, գերմանական Mercedes Benz M/GL-Сlass արտաճանապարհայինը, Opel Adam, Opel Mokka և Audi Q5 մոդելները:

Միևնույն ժամանակ ամենից ոչ հուսալի մեքենաներ են ճանաչվել հարավկորեական Kia Sorento և Kia Sportage մոդելները: