Բազմաֆունկցիոնալ նորարարական գդալն անտարբեր չի թողնի հատկապես տնային տնտեսուհիներին (տեսանյութ)

Boredpanda.com կայքն ուշագրավ անդրադարձ է կատարել Polygons կոչվող նորարարական գդալին, որը կհետաքրքրի հատկապես եփել-թափելու հետ սեր ունեցողներին:

Վերամշակված պլաստմասսայից պատրաստված գդալը նախատեսված է ոչ թե ուտելու, այլ դրանով ուտեստների տարբեր բաղադրիչները ճիշտ չափելու և լցնելու համար:

Աղբյուրը նկատում է, որ թեյի և ճաշի գդալների չափերով հասանելի գդալը պատրաստված է օրիգամիի մեթոդով ու ամենևին էլ նման չէ գդալի: Սակայն բավական է միայն այն ձեռքը վերցնել ու պլաստմասսայի սովորական կտորը վերածվում է ինքնատիպ չափիչ գդալի:

Ի դեպ, ազատ ժամանակ այն կարելի է օգտագործել նաև որպես գրանիշ:

Տեսանյութը կարող եք դիտել այստեղ։