Աֆրիկայում երեք նոր թռչնատեսակ է հայտնաբերվել

Ամերիկացի կենդանաբանները երեք թռչնատեսակ են հայտնաբերել Աֆրիկայում և դրանց մասին պատմել Systematics and Biodiversity ամսագրում հրապարակված աշխատությունում:

Ինչպես նշում է Gazeta.ru-ն, նոր տեսակները հայտնաբերվել են Տեխասի համալսարանի պրոֆեսոր Հարի Վելկերի ղեկավարությամբ իրականացված գիտարշավի ընթացքում:

«Այս երեք տեսակների հայտնաբերումը լավ օրինակ է այն մասին, թե ինչքան շատ անհայտ բան է թաքնված Աֆրիկայում», — պարզաբանել է հեղինակը:

Գիտնականների խոսքերով` երկու թռչնատեսակ գտնվել է մայրցամաքի արևմուտքում, իսկ մեկը` այսպես կոչված՝ Կոնգոյի ավազանում: Գիտնականներն ուշադրություն են դարձրել այն բանի վրա, որ առաջին երկու տեսակները շատ նման են իրար և բնակվում են բնական խոչընդոտներով չսահմանափակված տարածքներում: