Մարդիկ ստիպված են հաշտվել այն մտքի հետ, որ նրանց աշխատատեղերը կզբաղեցնեն ռոբոտները. Իլոն Մասկ

Tesla Motors և SpaceX ընկերությունների ղեկավար Իլոն Մասկը նախազգուշացրել է, որ մարդկությանն աղետ է սպասվում այն դեպքում, եթե մարդիկ չկարողանան ադապտացվել և իրենց տեղը գտնել ռոբոտների համատարած ներդրման ժամանակ: Այդ մասին հայտնում է Gizmodo կայքը:

«Մարդիկ ստիպված են հաշտվել այն մտքի հետ, որ նրանց աշխատատեղերը կզբաղեցնեն ռոբոտները: Մենք բոլորս ստիպված ենք լինելու գոյակցել առաջադեմ արհեստական ինտելեկտի հետ համակեցության պայմաններում»,- վստահ է Մասկը:

Ձեռնարկատիրոջ կարծիքով՝ արհեստական ինտելեկտը կփոխարինի գրեթե բոլոր մասնագետներին: Մասկը վստահ է, որ նեյրոցանցերը մոտ ապագայում կկարողանան մարդուց լավ կատարել անգամ ստեղծագործական բնույթի աշխատանք: