Մոլդովայի նորընտիր նախագահը խոստացել է առաջին հերթին այցելել Մոսկվա

16:58 • 14.11.16

Մոլդովայի նախագահական ընտրություններում հաղթանակ տարած Սոցիալիստների կուսակցության առաջնորդ Իգոր Դոդոնը lenta.ru-ին հայտնել է, որ որպես երկրի նախագահ իր առաջին այցը կկատարի Ռուսաստան:


«Ինչպես հայտարարել եմ նախընտրական արշավի ընթացքում՝ առաջին այցը կլինի Մոսկվա, իմ խոսքը ես կպահեմ»,- ասել է Դոդոնը:


Լույս երկուշաբթի Դոդոնը հայտարարել է երկրի նախագահի ընտրություններում իր հաղթանակի մասին: Ավելի ուշ Կենտրոնական ընտրական հանձնաժողովը պաշտոնապես նրան հաղթող է ճանաչել քվեարկության երկրորդ փուլի 100 տոկոս ձայների հաշվարկից հետո:


Ինչպես հաղորդվել էր ավելի վաղ, Դոդոնը մտադիր է վերականգնել Մոլդովայի ռազմավարական համագործակցությունը Ռուսաստանի հետ, մոլդովական արտադրանքը վերադարձնել ռուսական շուկա և կարգավորել 2 երկրների համագործակցությունն էներգետիկ ոլորտում:


Նախագահական ընտրություններում նրա մրցակիցն էր «Գործողություն և համերաշխություն» կուսակցության առաջնորդ Մայա Սանդուն։