Պուտինը հավանության է արժանացրել Հայաստանի հետ 2 երկրների ուժերի միացյալ խմբավորման մասին համաձայնագիրը

11:50 • 14.11.16

Ռուսաստանի Դաշնության նախագահ Վլադիմիր Պուտինը ստորագրել է հրամանագիր, որով հավանության է արժանացրել Հայաստանի հետ երկու երկրների ուժերի միացյալ խմբավորման մասին համաձայնագիրը:


Համապատասխան փաստաթուղթը հրապարակվել է երկուշաբթի՝ ՌԴ իրավական տեղեկատվության պաշտոնական ինտերնետային պորտալում, փոխանցում է «ՌԻԱ Նովոստի» գործակալությունը։


«Ընդունել Ռուսաստանի Դաշնության և Հայաստանի Հանրապետության միջև ՀՀ և ՌԴ զինված ուժերի զորքերի միացյալ խմբավորման մասին համաձայնագրի ստորագրման մասին ՌԴ կառավարության առաջարկը»,- ասված է փաստաթղթում:


Հրամանագրի տեքստի համաձայն՝ ՌԴ պաշտպանության նախարարությանը հանձնարարվել է ՌԴ ԱԳՆ-ի մասնակցությամբ հայկական կողմի հետ բանակցություններ անցկացնել և պայմանավորվածություններ ձեռք բերելուն պես Ռուսաստանի անունից ստորագրել նշված համաձայնագիրը: