«Սիմփսոնները» մեկնաբանել են Թրամփի նախագահության մասին իրենց կանխատեսումը
«Սիմփսոնները» անիմացիոն սերիալի ստեղծողները նոր էպիզոդում մեկնաբանել են 2000 թվականին ցուցադրված սերիայում հանրապետական միլիարդատեր Դոնալդ Թրամփի նախագահության մասին իրենց կանխատեսումը։ Սերիայից մի հատված հայտնվել է Twitter-ում, գրում է lenta.ru-ն:
2000 թվականին «Բարտն ապագայում» սերիայում Բարտ Սիմփսոնը տեսնում է, թե ինչ է տեղի ունենալու 30 տարի անց: Մասնավորապես՝ նրա քույրը` Լիզան, դառնում է ԱՄՆ պատմության մեջ առաջին կին նախագահը:
Սյուժեի համաձայն՝ նոր նախագահը պետք է հաղթահարի իր նախորդի աշխատանքի աղետալի հետևանքները: Նախորդն էլ, ինչպես պարզվում է, hենց Թրամփն է:
Նոր տեսահոլովակում, որը տեղադրվել է Twitter-ում, Բարտը գրատախտակի վրա գրում է՝ «Ճիշտ լինելը զզվելի է»:










