13 կուսակցություն Հայաստանից, 3-ը` Չինաստանից, ՌԴ-ից ու Եվրոպայից. ովքեր են հրավիրված ՀՀԿ համագումարին

12:47 • 20.11.16

Tert.am –ը նոյեմբերի 26 –ին կայանալիք Հայաստանի հանրապետական կուսակցության հերթական համագումարի հրավիրյալների, կուսակցության համագումարի օրակարգի մասին զրուցել է ՀՀԿ գործադիր մարմնի անդամ, Կազմակերպչական հանձնաժողովի նախագահ Ռուբեն Թադևոսյանի հետ:

- Պարոն Թադևոսյան, արտերկրից ո՞ր կուսակցություններին եք հրավիրել:

- «Եվրոպայի ժողովրդական կուսակցություն», «Միասնական Ռուսաստան»,  Չինաստանի կոմունիստական կուսակցություն:

- Ի՞նչ դեմքերի մակարդակով՝ 1՞-ին, 2-րդ:

- Մոտակա օրերին պարզ կդառնա:

- Իսկ տեղի կուսակցությունների՞ց:

-Նախատեսված է հրավիրել 13 կուսակցություն:Դեռ ճշտում ենք, մինչև երկուշաբթի պարզ կլինի:

- Հրավիրյալ լինելու սկզբունքը ո՞րն է. իրենց ժողովրդականությունը, վերաբերմունքը՞ ՀՀԿ-ի նկատմամբ:

- Դա արդեն մեր որոշելիքն է։ Մենք նախատեսում ենք հրավիրել մեզ հետ համագործակցող կուսակցությունների:

-Արմատական ընդդիմությանը չե՞ք հրավիրելու:

- Դուք Ձեր հարցին արդեն իսկ պատասխանեցիք ( Ծիծաղում է-Հեղ.):

-Որքա՞ն պատվիրակ է լինելու:

-1790 պատվիրակ և հյուրեր:

-Իսկ օրակարգի հարցերը՞:

- Օրակարգի հարցերն են`Հայաստանի Հանրապետության կուսակցության նախագահի հաշվետվություն, ՀՀԿ վերստուգիչ հանձնաժողովի հաշվետվություն, ՀՀԿ կանոնադրության և ծրագրում փոփոխություններ, լրացումներ կատարելու մասին հարց, կուսակցության նախագահի ընտրություն, կուսակցության մշտական գործող գործադիր մարմնի անդամների ընտրություն, Վերստուգիչ հանձնաժողովի ընտրություն և համագումարի բանաձևի ընդունում: