Մարսելում ահաբեկիչների հետ կապերի մեջ կասկածվող երիտասարդների խումբ է ձերբակալվել

18:11 • 22.11.16

Մարսել քաղաքի ոստիկանությունը ձերբակալել է ահաբեկչական խմբավորումների հետ կապերի մեջ կասկածվող երիտասարդների խմբի անդամների, գրում է տեղական Provence թերթը:

Թերթի տվյալներով՝ մեկ շաբաթ առաջ իրականացված գործողության ընթացքում ձերբակալվել է 18 տարեկան աղջիկ, ինչպես նաև 16-ից 23 տարեկան հինգ երիտասարդ:

Ոստիկանությունում աղբյուրները հայտնել են, որ ձերբակալվածներից մեկը մարդկանց է անդամագրել ջիհադիստների շարժմանը։ Նա նաև կոչ է արել նրանց «գործողություններ» իրականացնել Մարսելում և մոտակայքում:

Բոլոր ձերբակալվածները հարցաքննվել են Փարիզում, նրանցից երկուսը, այդ թվում՝ անդամագրողը, մնում են կալանքի տակ: