Չինաստանում փրկարարները դուրս են բերել լվացքի մեքենայի մեջ խցանված 2-ամյա աղջկան (տեսանյութ)

22:55 • 27.11.16

Չինաստանում փրկարարներին հաջողվել է դուրս բերել լվացքի մեքենայում խցանված 2-ամյա երեխային:

Ինչպես տեղեկացնում է Sky News-ը, ընտանիքի կանչով դեպքի վայր ժամանակ փրկարարները երեխային գտել են լվացքի մեքենայի թմբուկի մեջ խցանված: Փոքրիկ աղջնակին դուրս բերելու համար անձնակազմի անդամները ստիպված են եղել ապամոնտաժել լվացքի մեքենան:

Երեխային թմբուկի հետ միասին առանձնացնելով մեքենայից` փրկարարներից մեկին հաջողվել է ազատել երեխայի ոտքը, որը մնացել էր մյուս ոտքի ետևում և չէր շարժվում: Դրանից հետո նրան հեշտությամբ դուրս են քաշել մեքենայի թմբուկից: Ողջ գործընթացը 20 րոպե է տևել: