ՌԴ-ում մարդատար ավտոմեքենան մի քանի վայրկյանում գետնի տակ է անցել (տեսանյութ)  

23:54 • 27.11.16

 

Ռուսաստանի Ուֆա քաղաքում արտասովոր միջադեպ է տեղի ունեցել նոյեմբերի 25-ին, որը մինչ այս պահը չեն կարողացել բացատրել:

Ինչպես տեղեկացնում է Kp.ru-ն, Բաշկիրիայի մայրաքաղաքի հյուսիսային թաղամասում երկու մարդատար ավտոմեքենա անցել գետնի տակ: Ականատեսների խոսքով` նախ խորտակվել է Лада Калина մակնիշի մեքենան, այնուհետև հարևանությամբ կանգնած մեկ այլ մեքենա:

Նրանց հաջողվել է УАЗ-ի օգնությամբ դուրս բերել խորտակվող մեքենաներից մեկը, իսկ մյուսը ակնթարթորեն գետնի տակն է անցել: Ականատեսները տեսագրել են Лада-ի խորտակման վերջին վայրկյանները:

Կատարվածը մեծ զարմանքի մեջ է թողել նաև տեղի իշխանություններին, որոնք ավելի ուշ խոստացել են վերադարձնել մեքենան սեփականատերերին, իհարկե ոչ թե կործանվածը, այլ նորը: