Ավստրալիայում մարմնամարզուհին ընկել է Cirque du Soleil-ի շոուի ժամանակ (լուսանկարներ)
Մարմնամարզուհի Լիզա Սքիներն ընկել է ավստրալական Բրիսբեն քաղաքում Cirque du Soleil-ի շոուի ժամանակ: Միջադեպը տեղի է ունեցել «Kooza» անվանումով ներկայացման ընթացքում, հայտնում է Brisbane Times-ը:
Ինչպես նշում է լրատվամիջոցը, ցնցված հանդիսատեսը տեսել է, թե ինչպես է անձնակազմը նետվում բեմ՝ մարմնամարզուհուն օգնելու համար: Սքիները տեղափոխվել է Բրիսբենի թագավորական հիվանդանոց:
Մարմնամարզուհին ստացել է պարանոցի վնասվածք և կոտրել է ձեռքը:
Սքիների մայրը՝ Էն Սքիները, հայտնել է, որ իր դուստրը կվերականգնվի, բայց դա կլինի երկարատև և բարդ գործընթաց:
«Տվյալ պահին մեզ համար առաջնային է աջակցել Լիզային և նրա ընտանիքին, որպեսզի նրանք կարողանան կենտրոնանալ նրա վերականգնման վրա»,- հայտարարել են Cirque du Soleil-ում:
Սքիները մարմնամարզությամբ զբաղվում է վեց տարեկանից, նա մասնակցել է Օլիմպիական խաղերին: Cirque du Soleil-ում ավստրալուհին աշխատում է 2010 թվականից: Նշվում է, որ միջադեպը տեղի է ունեցել նրա հայրենի քաղաքում:





















