Վարդենիս գյուղի դպրոցում հրդեհի պատճառով ողջ անձնակազմն ու աշակերտները տարհանվել են
Նոյեմբերի 29-ին, ժամը 10.34-ին ՀՀ արտակարգ իրավիճակների նախարարություն ահազանգ է ստացվել, որ հրդեհ է բռնկվել Արագածոտնի մարզի Վարդենիս գյուղի դպրոցում:
Ինչպես տեղեկացնում են ՀՀ ԱԻՆ լրատվական ծառայությունից, դեպքի վայր է մեկնել մեկ մարտական հաշվարկ:
Փրկարարներն իրականացրել են տարհանման աշխատանքներ՝ 91 աշակերտ և 20 ուսուցիչ:
Հրդեհը մեկուսացվել է ժամը 10.56-ին, մարվել՝ 11.00-ին:
Այրվել է Զալիբեկ Հակոբյանի անվան դպրոցի (երկհարկանի) դասասենյակի փայտե հատակը՝ մոտ 1 քմ:










