Մերկելը դեմ է հանդես եկել ԵՄ-ին Թուրքիայի անդամակցության բանակցությունները վերսկսելուն  

04:54 • 30.11.16

Գերմանիայի կանցլեր Անգելա Մերկելը հայտարարել է, որ հանդես է գալիս ԵՄ-ին  Թուրքիայի անդամակցության վերաբերյալ բանակցությունների վերսկսման դեմ, հաղորդում է Reuters գործակալությունը:

Գործակալությունը հղում է կատարում Bild թերթին, որի համարը կհրապարակվի նոյեմբերի 30-ին:  Ինչպես հաղորդում է պարբերականը՝ Գերմանիայի Քրիստոնեադեմոկրատական միության հավաքի ժամանակ Մերկելը իր դիրքորոշումն է արտահայտել Թուրքիայի հարցում:

Հաղորդվում է, որ կանցլերը նաև հանձնարարել է ներկայացնել այդ տեղեկությունն ընտրողներին, ովքեր ավելի վաղ հետաքրքրվում էին ԵՄ-ին Թուրքիայի անդամակցության հարցի վերաբերյալ կուսակցության դիրքորոշմամբ: