Սիլվիո Բեռլուսկոնին հոսպիտալացվել է սրտի հետ կապված խնդիրների պատճառով

18:24 • 07.12.16

Իտալիայի նախկին վարչապետ Սիլվիո Բեռլուսկոնին հոսպիտալացվել է դեկտեմբերի 7-ին սրտի ռիթմի հետ կապված խնդիրների պատճառով: Այս մասին տեղեկացնում է  Gazeta.ru-ն` վկայակոչելով իտալական Askanews պորտալը:

«Մենք վերջացնում ենք բուժզննումը, շուտով Բեռլուսկոնին դուրս կգա հիվանդանոցից», - հայտնել է իտալացի գործչի բուժող բժիշկ Ալբերտո Ձանգրիլոն:

Նրա խոսքով` Բեռլուսկոնիի մոտ սրտի հետ կապված առողջական խնդիրներ ծագել են երկրում տիրող քաղաքական իրավիճակով պայմանավորված լարվածության պատճառով:

Հիշեցնենք, որ սեպտեմբերին Բեռլուսկոնին հոսպիտալացվել էր Նյու Յորքում դարձյալ սրտի հետ կապված խնդիրների պատճառով: