42 ուղևոր տեղափոխող պակիստանյան ինքնաթիռը կործանվել է

17:21 • 07.12.16

Pakistan International Airlines ավիաընկերության ինքնաթիռը, որը կորել էր ռադարներից, կործանվել է Պակիստանի Հավելիան քաղաքի մոտակայքում, հաղորդում է РИА Новости-ն` հղում անելով Daily Pakistan-ին:

Հրատարակության տվյալներով` ինքնաթիռում 42 ուղևոր և անձնակազմի 5 անդամ է եղել:

Geo TV հեռուստաալիքի տվյալների համաձայն` ինքնաթիռի օդաչուն աղետի ազդանշան է տվել մինչ ինքնաթիռի անհետանալը ռադարներից:

Հիշեցնենք, որ ավելի վաղ հաղորդվել էր, որ Pakistan International Airlines ավիաընկերության ինքնաթիռը կորել է ռադարներից: