Անհայտ անձինք «Արթիկ» ՔԿՀ-ի բակ են նետել բջջային հեռախոսներով, կոնյակներով և կանեփանման զանգվածով լի պարկեր

11:59 • 13.12.16

ՀՀ արդարադատության նախարարության «Արթիկ» քրեակատարողական հիմնարկի աշխատակիցները դեկտեմբերի 10-ին, ժամը 07:10-ի սահմաններում  կանխել են արգելված իրերի խմբաքանակի ներթափանցման փորձը: Ներնետման փորձ կատարող քաղաքացիները, նկատելով ծառայություն իրականացնող աշխատակիցներին, դիմել են փախուստի:

Այս մասին հայտնում են ՀՀ ԱՆ ՔԿՎ հանրային կապերի բաժին

Կատարվել է տեղանքի զննություն, ինչի արդյունքում հայտնաբերվել են պարկեր, որոնց մեջ եղել են 59,1 գրամ ընդհանուր քաշով կանաչավուն կանեփանման զանգված, «B 8» գրառմամբ չորս դեղահաբ, 30 շիշ բժշկական սպիրտ, 14 շիշ կոնյակ` ընդհանուրը 14 լիտր տարողությամբ, 4 բջջային հեռախոս, 1 Wi-Fi սարք և 2 տուփ խմորիչ:

Հայտնաբերվածն ուղարկվել  փորձաքննության: Նախապատրաստվում են նյութեր: