Ստամբուլում ՌԴ գլխավոր հյուպատոսությունն ուժեղացված հսկողության տակ է առնվել հակառուսական հանրահավաքների պատճառով
Ստամբուլում Ռուսաստանի գլխավոր հյուպատոսությունը վերցվել է ուժեղացված հսկողության տակ՝ դիվանագիտական առաքելության շենքի մոտ անցկացվող հակառուսական ակցիաների առնչությամբ: Այդ մասին ТАСС-ին հայտնել է գլխավոր հյուպատոսության մամուլի քարտուղար Սերգեյ Լոսևը:
«Վերջին օրերի ընթացքում Ստամբուլում ՌԴ գլխավոր հյուպատոսության շենքի առաջ երեք հանրահավաք է անցկացվել Հալեպում իրավիճակի առնչությամբ։ Դրանցից ամենախոշորին մինչև 250 մարդ է մասնակցել»,- ասել է դիվանագետը:
«Այդ միջոցառումների անցկացման ժամանակ և դրանց ավարտից հետո մեր գլխավոր հյուպատոսության շենքի մոտ մշտապես գտնվում են ոստիկանության աշխատակիցներ»,- նշել է Լոսևը:










