Կառավարությունը մինչև 15 օլիգարխի «սուպլեկս» չանի, հաջողության չի հասնի.Սամսոն Խաչատրյան (տեսանյութ)
Կառավարությունը մինչև 10-15 օլիգարխի սուպլես չանի ՝ մեջքը գետնով չտա, հաջողության չի կարող հասնել։ Այս մասին Tert.am-ի հետ զրուցում ասաց բռնցքամարտի ԽՍՀՄ բազմակի, Եվրոպայի կրկնակի չեմպիոն, ընդդիմադիր, Մարտի մեկի գործով անցնող Սամսոն Խաչատրյանը։
«Այլ պարագայում ոչինչ չի փոխվի, բյուջեն չի լցվի»,-ընդգծեց նա։
Սամսոն Խաչատրյանի դիտարկմամբ՝ հաջողության հասնելու միայն կառավարության փոփոխությունը բավարար չէ, անհրաժեշտ է անարյուն հեղափոխություն՝ Թունիսի փորձով։ Սամսոն Խաչատրյանը հիշեցրեց, որ այդ մասին դեռևս տարիներ առաջ է ասել, դատավարությունների ընթացքում ևս՝ «Թունիսիլ տենք, Թունիսիլ տենք» արտահայտությամբ հայտնի է։ Այսօր Սամսոն Խաչատրյանը քաղաքականության մեջ ակտիվանալ դեռ չի ցանկանում, ասում է պիտի ընդդիմադիրների լայն համախմբում լինի, համախմբողն էլ ժողովուրդը պիտի լինի։
Անդրադառնալով խորհրդարանական ընտրություններին ընդառաջ ընդդիմադիր միավորման առաջին ծիծեռնակին` ասաց, որ «Լուսավոր Հայաստան»-ՔՊ-«Հանրապետություն» միավորումը ողջունում է, բայց կարծում է՝ դա բավարար չէ:
«Ես մի բան կարող եմ խորհուրդ տալ, որ բոլոր ընդդիմադիր ուժերը միանան, ուրիշ ձև չկա, 88 -ի պես կամ շարունակել 2008-ի նույն պայքարը` նույն ոճով, նույն ձևով, նոր դրանից հետո ով պրեզիդենտի թեկնածու կդնի, ով` Գերագույն խորհրդի նախագահ կլինի… իսկ այս ձևով մենք հաղթանակի չենք հասնի: Չի լինի, ժողովուրդ»,-ասաց Սամսոն Խաչատրյանը: Ըստ նրա` երկրի հաջողության բանալին Հայաստանում այս պահին նաև կանանց ձեռքում է։
«Մեր Հայաստանում կանայք ավելի «բառեց» կարող են լինել, և տասնյակ այպիսի կանայք կան, որոնք որ համախմբեն կիլոմետրով տղամարդիկ իրենց հետևից կգնան, հետո աշխարհում ցնցող հեղափոխություն կլինի՝ մայրերի հեղափոխություն»,-նշեց նա։
Մանրամասները՝ տեսանյութում










