Յանա Եգորյանը ՌԴ-ում տարվա մարզուհի է ճանաչվել

23:46 • 14.12.16

Ռուսաստանում «Տարվա հպարտություն» անվանակարգում սուսերամարտուհի Յանա Եգորյանին ճանաչել են տարվա մարզուհի:

Ինչպես տեղեկացնում է Lenta.ru-ն, Ռիո դե Ժանեյրոյում ամռանն անցկացված Օլիմպիական խաղերի ժամանակ անհատական և թիմային պայքարում ոսկե մեդալների արժանացած մարզուհին ազգային մրցանակ է ստացել ֆիզիկական կուլտուրայի և սպորտի ոլորտում:

Մրցանակի հանձնման հանդիսավոր արարողությունը կայացել է այսօր երեկոյան Մոսկվայում: Արարողությանը ներկա են գտնվել սպորտի և երիտասարդության հարցերով ՌԴ փոխվարչապետ Վիտալի Մուտկոն, ինչպես նաև սպորտի նախարար Պավել Կոլոբկովը: