Թողարկվել է Super Mario Run խաղը iOS-ի համար

Super Mario Run խաղը հասանելի է դարձել iOS օպերացիոն համակարգի օգտատերերի համար, հաղորդում է Tech Radar-ը:

Աղբյուրը մանրամասնում է, որ խաղի գլխավոր հերոսը Nintendo ընկերության հայտնի կերպար Մարիոն է: Նոր խաղը հնարավորություն է տալիս կառավարել հերոսին միայն մի ձեռքով: Մարիոն ավտոմատ կերպով վազում է դեպի աջ, իսկ դիսփլեյին սեղմելու դեպքում նա ցատկ է կատարում: 

Նշվում է, որ Super Mario Run խաղը կթողարկվի 151 երկրում: Ներկա պահի դրությամբ խաղը հասանելի է միայն iOS օպերացիոն համակարգի օգտատերերի համար, իսկ Android սարքերի համար այն հասանելի կլինի ավելի ուշ: Հստակ ամսաթիվը դեռևս անհայտ է: