Նիկոլ Քիդմանը պատրաստվում է հնդիկ տղայի որդեգրել. The Daily Mail

14:52 • 19.12.16

Հոլիվուդյան հայտնի դերասանուհի Նիկոլ Քիդմանն ու իր ամուսինը՝ ավստրալացի քանթրի երաժիշտ Քիթ Ուրբանը, պատրաստվում են դիմավորել իրենց ընտանիքի նոր անդամին՝ որդեգիր երեխային:

Ինչպես նշում է The Daily Mail-ը, զույգը, որը համատեղ ամուսնությունից ունի 2 դուստր, մտադիր է որդեգրել Հնդկաստանից տղա երեխայի: Հայտնի է նաև, որ աստղերն արդեն տվել են համապատասխան գործընթացի մեկնարկը:

Բրիտանական պարբերականը մանրամասնում է, որ 49-ամյա Քիդմանը նման որոշում է կայացրել ավստրալական արտադրության վերջին ֆիլմերից մեկում երեխա որդեգրած մոր դերը խաղալուց հետո:

Ավելի վաղ The Daily Mail Australia-ին տված հարցազրույցում դերասանուհին ասել էր, որ այնքան է տպավորվել ֆիլմից, որ չի բացառում անձամբ երեխա որդեգրելու գաղափարը:

Հավելենք, որ կենսաբանական դուստրերից զատ՝ Քիդմանը ևս 2 որդեգիր երեխա ունի: Հայտնի է, որ 1992 և 1995թթ. դերասանուհին իր նախկին ամուսնու՝ Թոմ Քրուզի հետ որդեգրել է աղջիկ և տղա երեխաների:

Home for the holidays! Meanwhile, Nicole and her husband Keith have recently arrived in Sydney with their two daughters ahead of the festive season