Պեկինում սմոգի պատճառով չեղյալ է հայտարարվել ավելի քան 180 ավիաչվերթ
Պեկինի միջազգային օդանավակայանում ուժեղ սմոգի պատճառով չեղյալ է հայտարարվել ավելի քան 180 ավիաչվերթ: Այդ մասին հայտնում է korrespondent.net-ը՝ վկայակոչելով CCTV հեռուստաալիքը:
Հեռուստաալիքի տվյալներով՝ այժմ Շոուդու օդանավակայանում չեղյալ է հայտարարվել 181 չվերթ, փակվել են արագընթաց ավտոճանապարհները:
Այժմ քաղաքը պատված է սպիտակ սմոգի շերտով, ինչի պատճառով կտրուկ նվազել է ճանապարհներին տեսանելիությունը:
Ավելի վաղ հաղորդվել է, որ Պեկինում և Չինաստանի այլ քաղաքներում դեկտեմբերի 16-21-ը գործելու է տագնապի ամենաբարձր՝ «կարմիր» մակարդակը՝ օդի աղտոտվածության պատճառով:










