Բեռլինում բեռնատարի հարձակման հետևանքով զոհերի թիվը հասել է 12-ի

05:36 • 20.12.16

Բեռլինի կենտրոնում, որտեղ բեռնատարն ընթացել է մարդկանց ամբոխի միջով, զոհերի թիվը հասել է 12-ի, հաղորդում է Բեռլինի ոստիկանությունը Twitter-ի իր միկրոբլոգում:

Բացի այդ, հոսպիտալացվել է 48 մարդ: Ավելի վաղ հաղորդվում էր 9 զոհի և 50 վիրավորի մասին:

«Այսօր Բրայտշայդպլատտցում կյանքից զրկվել է 12  մարդ, 48-ը գտնվում  է հիվանդանոցում: Նրանցից ոմանք ծանր վնասվածքներ ունեն»,- հաղորդում է Բեռլինի ոստիկանությունը:

Բեռլինի կենտրոնական սուրբծննդյան շուկայում բեռնատարի վարորդը մեքենայով բախվել էր շուկայում հավաքված ամբոխին: Ոստիկանությունը ձերբակալել է ենթադրյալ վարորդին, երկրորդ հանցագործը մահացել է: