Բրազիլիայում առաջին անգամ այրվածքների բուժման հարցում նորարարական միջոց են կիրառել՝ օգտագործելով Tilapi ձկան մաշկը (լուսանկարներ)

16:05 • 20.12.16

Բրազիլացի բժիշկներն առաջին անգամ այրվածքների բուժման հարցում նորարարական միջոց են կիրառել՝ օգտագործելով քաղցրահամ ջրերում ապրող Tilapi արևադարձային ձկան մաշկը:


Ինչպես հայտնում է Al Arabiya-ն, բժշկության պատմության մեջ առաջին անգամ կիրառվող մեթոդն օգտագործվել է 36-ամյա մատուցողուհի Մարիա Ինես Կանդիդո դա Սիլվային օգնելու համար: Հայտնի է, որ գազի պայթյունի հետևանքով կինը 2-րդ աստիճանի այրվածքներ է ստացել ձեռքերի, պարանոցի, ոտքերի ու դեմքի հատվածներում:


Հայտնի է, որ Tilapi ձկան մաշկն ընտրվել է այն պարզ պատճառով, որ այն դիմակայուն է բազմաթիվ  հիվանդությունների նկատմամբ ու անհրաժեշտ քանակությամբ կոլագեն է պարունակում:


Այլ կերպ ասած՝ ձկան մաշկը կիրառվել է որպես վիրակապ, սակայն, ի տարբերություն վիրակապի, այն ամեն  օր փոխելու ու հիվանդին տհաճ զգացողություններ պատճառելու կարիք չկա:


Բրազիլուհին խոստովանել է, որ նախքան այդ սարսափելի ցավերի միջով էր անցնում, սակայն ձկան մաշկի կիրառումից հետո այլևս ցավազրկողների կարիք չունի:

 

Image result for fish skin to treat Brazilian burn victim

Image result for fish skin to treat Brazilian burn victim

Image result for fish skin to treat Brazilian burn victim