Ռուսաստանում կինը մահացել է՝ ընկնելով տրոլեյբուսի դռնից (տեսանյութ)

21:45 • 20.12.16

Ռուսաստանի Վլադիմիր քաղաքում տարեց կինն ընկել է շարժման մեջ գտնվող տրոլեյբուսի բաց դռնից և տեղում վախճանվել. հաղորդում է HTB-ն։

Նշվում է, որ միջադեպը տեղի է ունեցել Լենինի պողոտայի վրա՝ Улица Пичугина կանգառի մոտակայքում։

«Տրոլեյբուսի դուռը վատ է փակվել։ Վարորդը փակել է դռները կանգառում, իսկ մի դուռ, ամենայն հավանականությամբ, չի փակվել։ Կինը սկսել է ներքև իջնել։ Չգիտեմ՝ ինչ է ցանկացել անել։ Եվ այդ պահին նրա ձեռքից տոպրակ է ընկել։ Բաց դռան մոտ նա սկսել է բարձրացնել այն և դուրս է թռել», - պատմել է տրոլեյբուսի տոմսավաճառը։   

Ականատեսների խոսքերով՝ ամեն ինչ կատարվել է մեկ վայրկյանում։ Տրոլեյբուսը կանգ է առել, տոմսավաճառն ու վարորդը գնացել են կնոջ մոտ և շտապօգնություն կանչել։ Տոմսավաճառի խոսքերով՝ կինը դեռևս ողջ է եղել, սակայն բժիշկները դեպքի վայր են ժամանել կես ժամ անց։ Տուժածը մահացել է տեղում։