Lamborghini-ն ներկայացրել է 740 ձիաուժ հզորությամբ Aventador S-ը (լուսանկարներ)

Լյուքս դասի մեքենաների արտադրությամբ զբաղվող Lamborghini մեքենաշինական ընկերությունը 5-ամյա դադարից հետո ներկայացրել է 2017 Aventador S մեքենան՝ համալրված 6.5 լ աշխատանքային ծավալով, 740 ձիաուժ հզորությամբ V12 շարժիչով:

Ինչպես հայտնում է luxurylaunches.com կայքը, նորույթը 100 կմ/ժ արագություն է զարգացնում 2.9 վայրկյանում, մինչդեռ դրա զարգացրած առավելագույն արագությունը 350 կմ/ժ է:

Աղբյուրը նկատում է, որ ի տարբերություն նախորդ մոդելի՝ Lamborghini Aventador S-ն ունի ավելի ագրեսիվ տեսք, ինչպես նաև արդիականացված ներքին սրահ:

2017 Aventador S-ի գինը սկսվում է 421.350 դոլարից: Մեքենաների առաքումը կսկսվի 2017թ. գարնանից: