Nokia-ն դատական հայցեր է ներկայացրել Apple-ի դեմ

Ֆիննական Nokia տեխնոլոգիական ընկերությունը դատական հայցեր է ներկայացրել ամերիկյան Apple-ի դեմ՝ ընկերությանը մեղադրելով արտոնագրային օրենսդրության խախտման համար:

Այս մասին հայտնում է ria.ru-ն՝ մանրամասնելով, որ Nokia-ն հայցերը ներկայացրել է Գերմանիայի և Միացյալ Նահանգների դատարաններում:

Nokia-ն պնդում է, որ Apple-ը հրաժարվել է համապատասխան ձևով արտոնագրել իր մի շարք սարքերում Nokia-ի ավելի վաղ արտոնագրված հայտնագործությունների օգտագործումը:

Աղբյուրը մանրամասնում է, որ այդ տեխնոլոգիաները վերաբերում են ծրագրային ապահովմանը, էկրանին և ինտերֆեյսին: