Երգչուհի Սլավան պատրաստվում է օրինականացնել իր հարաբերությունները քաղաքացիական ամուսնու հետ

Երգչուհի Անաստասիա Սլանևսկայան, որը հայտնի է Սլավա բեմական կեղծանունով, պատրաստվում է ամուսնանալ իր քաղաքացիական ամուսնու` Անատոլի Դանիլիցկու հետ: Զույգը միասին է ապրում արդեն 15 տարի. նրանք դաստիարակում են 4 տարեկան դուստր Անտոնինային:

Kp.ru-ի հաղորդմամբ` հարսանեկան արարողությունը կանցկացվի 2017 թվականի սկզբին: Այս մասին հայտնել է երգչուհին բարեգործական երեկույթի ժամանակ, երբ իր փեսացուի համար գնել է 800 հազար ռուբլի արժողությամբ ժամացույց:

Սլավան պատմել է, որ իրենց դստեր ծնվելուց հետո Դանիլիցկին ամուսնության առաջարկ է արել իրեն, և այժմ իրենք վերջապես որոշել են պաշտոնապես գրանցել իրենց հարաբերությունները:

Երգչուհին խոստովանել է, որ ինքը հայտնիություն ձեռք չէր բերի, եթե իրեն չաջակցեր իր սիրեցյալը, ով զբաղվել է իր կարիերայով, ամբողջությամբ ֆինանսավորել տեսահոլովակների նկարահանումները:

«Իմ միակ և ամենասիրելի տղամարդն այս աշխարհում», - Անատոլիի մասին գրել է Սլավան Instagram-ում: