Հայաստանի տարբեր հատվածներում արգելափակվել են ավտոմեքենաներ

13:15 • 01.01.17

ՀՀ արտակարգ իրավիճակների նախարարությունը տեղեկացնում է, որ հունվարի 1-ին՝ ժամը 10.07-ին, տեղեկություն է ստացվել, որ Վայոց ձորի մարզի Մալիշկա գյուղում ավտոմեքենան արգելափակվել է սառցակալած ջրափոսում, անհրաժեշտ է փրկարարների օգնությունը:


Դեպքի վայր է մեկնել մարզային ճգնաժամային կառավարման կենտրոնի օպերատիվ խումբը:

Փրկարարներն ավտոմեքենան դուրս են բերել արգելափակումից:


Հունվարի 1-ին՝ ժամը 09.00-ին, տեղեկություն է ստացվել, որ Կոտայքի մարզի Ծաղկաձոր քաղաքի «Գոլդեն փելես»-ի մոտակայքում «Նիսան մարչ» մակնիշի ավտոմեքենան արգելափակվել է ձյան շերտում:

Դեպքի վայր է մեկնել հրշեջ-փրկարարական ջոկատի օպերատիվ խումբը:


Փրկարարներն արգելափակումից դուրս են բերել «Նիսան մարչ» մակնիշի 71 NA 077 պետհամարանիշով ավտոմեքենան: