Infiniti-ն ներկայացրել է QX50 կոնցեպտը (լուսանկար)

Infiniti մեքենաշինական ընկերությունը Դետրոյթի միջազգային ավտոշոուի մեկնարկի նախաշեմին ներկայացրել է նոր սերնդի QX50 քրոսովերի կոնցեպտուալ տարբերակը:

Ինչպես նշում է motor.ru-ն, նորույթի դիզայնը հիմնված է ավելի վաղ Պեկինում ներկայացված QX Sport Inspiration կոնցեպտի վրա:

Հայտնի է, որ QX50-ի սերիական մոդելը համալրված կլինի ProPILOT համակարգով, որն իր գործառույթներով վարորդին կօգնի մեքենայի վարման ժամանակ: Աղբյուրը նկատում է, որ ProPILOT–ն ավելի շատ «խելացի» օգնական է, քան ինքնակառավարման համակարգ:

Օրինակ՝ ProPILOT-ը կկարողանա ինքնուրույն արագություն զարգացնել, արգելակել, մայրուղու վրա ստանձնել մեքենայի կառավարումը, հետևել շրջակա երթևեկությանն ու ապահովել մյուս մեքենաներից անվտանգ հեռավորությունը:

Նշենք, որ QX50-ի սերիական մոդելը կներկայացվի 2018թ.: