Սլովակ լուսանկարիչը հիանալի պատկերներ է ստեղծում առանց Photoshop-ի (լուսանկարներ)

18:18 • 08.01.17

Սլովակ լուսանկարիչ Միխալ Զախորնացկին զբաղվում է կոնցեպտուալ լուսանկարչությամբ, և նրա հիմնական սկզբունքը Photoshop խմբագրիչի բացակայությունն է աշխատանքային գործընթացքում:

Միխալի խոսքով` ինքն իր առաջին խցիկը ձեռք է բերել 2011 թվականին: Ինքնուս լուսանկարչի ամենամեծ կիրքը հեքիաթային պատկերներ ստեղծելն է` օգտագործելով միայն բնական միջոցներ և լուսավորություն:

«Ամենամեծ ձեռքբերումը, որին ես հասել եմ, իմ գաղափարների արտահայտումն է մաքուր, առանց ֆոտոխմբագրիչների միջամտության ստեղծված լուսանկարչության միջոցով: Ես հաճույք եմ ստանում, երբ հաջողվում է ստանալ իրական կյանքի պատկերներ», - պատմել է Միխալը Boredpanda-ին:

Նրա խոսքով` լուսանկարչական տեսարաններ ստանալը երկար, դժվար, բայց միևնույն ժամանակ գեղեցիկ գործընթաց է: