Emirates-ի չվերթը չեղարկվել է սրահում հայտնաբերված օձի պատճառով
Emirates ավիաընկերության չվերթը չեղարկվել է այն բանից հետո, երբ ինքնաթիռի սրահում օձ է հայտնաբերվել:
The National-ի հաղորդմամբ` ինքնաթիռը պետք է չվերթ իրականացներ Մասկատ-Դուբայ ուղղությամբ:
«2017 թվականի հունվարի 8-ին Մասկատ-Դուբայ չվերթը չեղարկվել է ուղևորների ժամանումից առաջ` ինքնաթիռի բեռնախցիկում օձ հայտնաբերելուց հետո», - հայտնել է ավիաընկերությունը:
Ներկա դրությամբ ինժեներական թիմերը զննում են ինքնաթիռը: Ավիաընկերությունը չի մանրամասնել, թե որ տեսակին է պատկանում օձը:










