British Airways-ի աշխատակիցները երկօրյա գործադուլ են սկսել
Բրիտանական British Airways ավիաընկերության աշխատակիցները երկօրյա գործադուլ են սկսել, հայտնում է BBC-ն:
Գործադուլը միավորել է Unite արհմիության մոտ երեք հազար անդամի: Ակցիայի պատճառ են դարձել ցածր աշխատավարձերը և գործատուների կողմից խոստումները չիրականացնելը:
Ինչպես հայտնել են British Airways-ում, գործադուլը չի անդրադառնա Լոնդոնի Հիթրոու, Գեթվիկ և Լոնդոն-Սիթի օդանավակայաններում իրականացվող չվերթների մեծ մասի վրա:










