Հայելապատ ձողեր, որոնք արտացոլում են ծովի ու երկնքի «դեմքը» (լուսանկարներ, տեսանյութ)

Ամերիկացի արվեստագետ Ֆիլիպ Սմիթն ուսումնասիրում է լույսի, գույնի ու տարածության ընկալումները, իսկ վերջերս էլ նա գտել է լավագույն վայրն այդ աշխատանքների համար։

Boredpanda-ն գրում է, որ Սմիթը մոտ 250 հայելապատ ձող է տեղադրել ԱՄՆ Կալիֆորնիա նահանգի Laguna Beach ծովափում՝ այնպես, որ դրանք արտացոլում են ալիքներն ու արևը։

«Այս ինստալյացիան տեսանելիորեն տարանջատում է բնական աշխարհը ձեռակերտ աշխարհից։ Այն արտացոլում է օվկիանոսի, երկնքի և ջրափնյա գծի փոփոխվող գույները ցերեկային ու գիշերային ժամերին», - պարզաբանել է Սմիթը։

Նշվում է, որ ինստալյացիան մոտ 400 մետր երկարություն ունի։ Ձողերը պատրաստված են չժանգոտվող պողպատից և 3 մետր բարձրություն ունեն։