ԱՄՆ-ն սիրիական խնդրի շուրջ Աստանայում կայանալիք բանակցություններին մասնակցելու հրավեր չի ստացել. Պետդեպի ներկայացուցիչ
ԱՄՆ պետդեպի պաշտոնական ներկայացուցիչ Մարկ Թոները հայտարարել է, որ գործող նախագահ Բարաք Օբամայի վարչակազմը չի ստացել սիրիական ճգնաժամի վերաբերյալ Աստանայում կայանալիք բանակցություններին մասնակցելու հրավեր, գրում է izvestia.ru-ն:
«Աստանայում կայանալիք բանակցություններին մասնակցելու պաշտոնական հրավեր մենք չենք ստացել», - նշել է Թոները՝ հավելելով, որ իրենք շարունակում են կապ պահպանել թուրքական և ռուսական կողմերի հետ սիրիական ճգնաժամի կարգավորման համար:
Հիշեցնենք, որ ավելի վաղ Թուրքիայի արտգործնախարար Մևլութ Չավուշօղլուն հայտարարել էր, որ Թուրքիան և Ռուսաստանը համաձայնության են եկել սիրիական ճգնաժամի վերաբերյալ Աստանայում սպասվելիք բանակցություններին ՄԱԿ-ի և ամերիկյան կողմի մասնակցության շուրջ:










