Հայաստանում ռուս զինծառայողների մասնակցությամբ հրամանատարական վարժանքներ են սկսվել
Հայաստանում ՌԴ Հարավային ռազմական շրջանի զորամասերի հրամանատարային անձնակազմի մասնակցությամբ վարժանքներ են սկսվել: Այդ մասին «ՌԻԱ Նովոստի»-ին հայտնել են Հարավային ռազմական շրջանի մամուլի ծառայությունից:
«Հայաստանի Հանրապետությունում տեղակայված Հարավային ռազմական շրջանի ռուսական ռազմաբազայում սկսվել են Գյումրիի և Երևանի զորամասերի հրամանատարային անձնակազմի մասնակցությամբ վարժանքներ»,- հայտնել են մամուլի ծառայությունից:
Ուսումնական միջոցառումներին ներգրավված է ավելի քան 150 զինծառայող, սպառազինության և ռազմական տեխնիկայի մոտ 30 միավոր, այդ թվում՝ ժամանակակից կապի, հետախուզության միջոցներ և Մի-8ՄՏ ռազմական տրանսպորտային ուղղաթիռներ:
Պրակտիկ պարապմունքներն անցկացվում են ցերեկը և գիշերը ծովի մակարդակից 1,5-ից 2,5 հազար մետր բարձրության վրա, «էքստրեմալ» կլիմայական պայմաններում։










